Hype Radio ta eksisti pa 2 aña kaba, ofresiendo e publiko Antiano e miho musika lokal i internashonal 24/7. Nos ta e uniko radio online ku ta duna urban lokal e balor ku e ta merese. Ademas di esei, durante di e dos añanan aki nos a duna hopi artista hoben un plataforma pa nan por show nan talento.
Resientemente nos a update nos website i medionan sosial pa asina ofresé nos siguidonan mas kontenido di kalidat. E popular Hype Top 10 ta dunabu un bista di e 10 kantikanan mas popular di siman. I awor, Hype News ta tenebu na altura di tur notisia di farandula lokal.
Nos a demostrá konsistensia i ta kompromete na nos oyentenan ront mundu ku ta konta ku nos. P'esei mes e aña aki nos ta presentá un programashon spesial riba dianan di fiesta:
Noche Buena LIVE: 24 december 7-9 PM
Pasku Anochi LIVE: 25 december 7-9 PM
Hype Top 22 of 2022: 31 december 6-8 PM
Presentashon di e programanan aki lo ta na enkargo di direktor di Hype Radio i DJ/lokutor Gianno Cardose. Nos ta konta kubo sintonia i ta yamabu danki pa bo sosten durante di 2022. Sigui konta ku nos den 2023 i spera hopi mas di Hype Radio!
*E programanan ta ripiti mesun ora pa oyentenan na Korsou, Aruba i Boneiru.
